袁詠儀上海趕返香港撐好友周旋開騷

藝人袁詠儀（靚靚）出席大陸新十大女高音歌唱家周旋舉行的演唱會，表示是特意由上海趕飛機回港欣賞：「啱啱喺上海趕返嚟，因為之前喺青島拍咗套電影，所以今日做完發布會宣傳，仲以為遲到添！（本身認識周旋？）朋友介紹，因為呢個小姐之前生小朋友，好多嘢都唔識，又睇唔適合嘅醫生，第一次見佢已經覺得好啱傾，介紹自己本身睇嘅醫生畀佢，所以做咗好朋友，佢先生又好好人。（佢先生喺做咩工作？）做大生意。」

問到是否很期待周旋的演出，靚靚得知對方會獻唱廣東歌曲《萬水千山總是情》大表驚訝：「好期待佢唱廣東歌。（約佢唱K？）邊夠佢唱。（跟佢學唱歌？）我聲大啫，自己都冇咩興趣學。」