甜到漏！王祖藍李亞男預演婚禮

王祖藍與李亞男大婚在即，二人出席活動時預演婚禮，除了步落旋轉樓梯隆重登場，更翹住手上台，夾雜兩旁的歡呼聲，仿如真的婚禮一樣，場面熱鬧。

將為人妻的亞男，坦言心情緊張，並指擔心婚禮會有甩漏。至於祖藍，則透露現還忙於向漏請的賓客補發囍帖，並擔心得未能入睡。他又指婚宴預計擺50多圍，又表示由於送給亞男的驚喜早已於台慶當晚完成，故事先張揚指大婚當晚不會再有驚喜。

認婚宴多贊助

談到有指其婚禮獲大量贊助，祖藍直認不諱謂：「都真係好多幫手，婚紗、珠寶、食物、場地就平少少，到時我都會為傳媒準備自助餐，仲有餅、雪糕同燕窩。（都係贊助？）我自己畀錢o架！（婚禮使咗幾多錢？）今年嘅人工基本都冇晒，玩完蜜月返嚟要重新開始。」

讚老婆夠慳家

祖藍又透露將到歐洲蜜月三星期，問到是否會讓亞男任碌信用咭？祖藍笑指不用等到去歐洲，現時已可任碌，並大讚太太謂：「佢係一個值得娶嘅老婆，因為佢身上唔會見乜V同乜Nel（名牌），好慳嘅。」在旁的亞男聞言即謂：「咁都要三件嘅，一件畀阿媽、一件畀奶奶、另一件畀自己。」祖藍又指婚禮不會讓無綫直播，但會預留一個房間直播婚禮情況。