杏兒公然咀男友　姚子羚：咁大膽？

姚子羚為新劇《四個女仔三個BAR》宣傳，對於姊妹胡杏兒被《好報》拍得接男友放工，又公然咀嘴，子羚瞪大雙眼謂：「咁大膽？證明呢個真係佢真命天子，佢應該都好重視先咁，等我返去審下佢係咪先。（係咪真係同居試婚？）又冇問到咁深入，但都想佢快啲踏入人生另一步，同埋參與個婚禮，到時成班女仔實玩到癲咗。（杏兒呢個舉動會唔會覺得意外？）又冇，佢都好耐冇拍拖，一直搵緊Mr.right，既然咁公開，佢應該都畀好高分個男仔。」

問到她真命天子又出現了沒有？子羚苦笑指被杏兒突然爬頭，更謂：「本身佢最dry, 本身都冇時間dating, 原來唔係囉。（情人節有冇男仔約？）冇，咪自己同隻狗過，一係打畀杏兒睇下可唔可以join埋一齊。」