12卡鑽戒從天而降 君如冧到爆裂
20150213
東網電視
更多新聞短片
雖然陳可辛條橋同汪峰求婚個條係一樣，但個問題係君如嘅反應同章子怡係好唔同嘅。
吳君如出席賀歲片《12金鴨》首映，雖然陳靜以中門大開性感戰衣登場，但仍搶不到君如風頭，皆因君如另一半陳可辛神秘現身，更仿傚汪峰，出動航拍機送上12卡巨型鑽戒給君如做情人節禮物。不過橋唔怕舊，最緊要受，見到陳可辛咁識營造浪漫氣氛，君如即場冧爆，全程一味喪笑。
薛凱琪全場最感動？
其實陳可辛真係好有心思氹老婆，因為最初君如打開禮物嗰陣，佢發現嘅只係一隻道具鑽戒，不過好快陳可辛就叫佢望埋入面，君如一見到隻巨型鑽戒，即刻開心到O晒嘴；搞笑嘅係，除咗君如身邊嘅盧覓雪個嘴O得大過君如之外，薛凱琪仲面又紅眼又紅咁拍晒手叫好，睇嚟佢個款好似仲感動過君如咁。
之後君如心急地戴上鑽戒，並搞笑地向陳可辛表示：「我有啲想喊呀！隻嘢係咪真o架？」陳可辛聞言即說：「呢隻嘢貴過部戲賺到嘅價值呀！」