Bra帶都露埋　娜姐：驚身上啲嘢跌晒出嚟

周秀娜出席電影《12金鴨》派對，被君如請來的四位爆肌台灣舞男以「人肉風火輪」成功「降服」，娜姐玩到面紅耳熱、青筋暴現之餘，娜姐經歷「人肉風火輪」期間更走光露運動bra底兼露bra帶，十分狼狽。娜姐受訪時表示：「冇事，自己有打底，但係畀佢抽起時按到有啲胃痛。（有冇畀風火輪嚇親？）冇心理準備，都驚身上啲嘢會跌晒出嚟。」

談到陳可辛為君如炮製空降送鑽戒驚喜，對此娜姐表示：「好sweet，希望電影票房都好似鑽石咁有份量。（情人節點過？）本來有嘢做，點知公司放我假，依家約咗幾個單身女仔開單身Party。」