打Pat摸肌　薛芷倫同舞男玩到癲

薛芷倫應好友吳君如邀請出席電影《12金鴨》派對，君如請來四位爆肌台灣舞男「猛男天團X-John」招呼一眾出席女藝人，而薛芷倫亦明顯樂在其中，更玩得相當high，一時打猛男pat pat，一時又撫摸猛男腹肌。

薛芷倫及後受訪時表示：「好開心、好大驚喜，係情人節預演。以前喺拉斯維加斯都睇過騷，嗰邊玩得仲癲。呢班就好專業，知道邊度掂得邊度唔掂得，搞氣份啫，自己都係第一次玩到咁貼身，但係佢哋好專業，都係有限度接觸，香港有多啲呢啲騷幾好呀。（鍾意肌肉猛男嗎？）鍾意，肌肉型代表身體健康。」

談到情人節，薛芷倫表示會與大班朋友食飯和開派對，又謂不想男士誤會她赴約便是確認男友身份。