王梓軒畀秋生鬧到企喺度

歌手王梓軒（Jonathan）早前接受訪問，透露今年其中一個目標是參與更多演戲工作：「上年秋生哥喺微博輕輕咁讚過細佬，知道原來呢位前輩有留意我，所以想跟佢學嘢，見到佢有開戲劇大師班，於是即刻報名，上咗堂發現好似打通咗任督二脈，每日就好似喺崩潰邊緣學緊嘢。（想同秋生合作？）梗係想啦！呢個唔使問。（唔怕佢要求高？）秋生哥係要求高，但係好嗰隻高，佢會推你去最弱嗰點，然後睇你可唔可以突破，我都試過畀佢話到企咗喺度乜都做唔到。佢係一個嚴師，佢會用微妙嘅方法畀你知道原來你演戲有枷鎖，衝破咗個人就可以創意澎湃。」