張可義跳彈床練馬甲線

模特兒張可義（Emily）早前跟朋友到Bounce Limit試玩跳彈床，透過在彈床上起舞，鍛鍊平衡力及深層肌肉，平日有運動習慣的Emily首次參與，表示尚算能應付：「今日第一次嚟，喺彈床上練肌肉，有少少混合跳舞動作，出咗一身汗，跳完腹部有啲痛，相信會練到馬甲線，幾好玩丫！」提到當日是全女班試玩，Emily笑言若有猛男同場，相信推動力會更大。

Emily透露近日獲邀到澳門賽車女郎，人氣上升，並自誇與運動男有緣：「我成日接觸到運動男，自己又有學打Golf、打網球，我都鍾意做運動嘅男士，佢哋好注意生活習慣，好欣賞呢種生活態度，咁當然運動員身型都令人流口水啦！」