大陸為食　彭于晏舒淇爭蛋糕食

女神舒淇同台灣型男兼老友彭于晏喺大陸拍緊嘅電影《剩者為王》已經進入埋尾階段，二人喺片場等埋位嗰陣仲大玩特玩，雖然彭于晏已經話過舒淇食得太多嘢，但本性難移嘅舒淇一於少理，仲搞到彭于晏都變到同佢一樣咁為食，彭于晏將二人手捧蛋糕嘅相放上微博話：「撐住，快殺了，不能破功呀。」二人起勢咁睥實件蛋糕，好似想鬥快食咁，兩個咁為食，仲要咁啱key住着羊毛冷衫，網民都大叫佢哋快啲一齊啊！