官恩娜否認奉子成婚　晒Fit爆相斥造謠者

已為人妻的女神官恩娜（Ella）突然在facebook非常激動地否認自己是因懷孕而結婚，還寸爆造謠者無獨立思維，她說：「大家可唔可以有番小小獨立思想同少少合理嘅思維？我嘅結婚相係上年七月喺法國影嘅...結婚book洒（酒）店都要一年啦...仲未計求婚同準備影結婚相嘅時間...如果真係有左（咗）BB先結婚...咁我咪應該已經生左（咗）？或者有左（咗）七個月？呢張相係我結婚前兩日做嘅活動相...香港所有傳媒都在場！點解結婚三個月前先同大家宣傳訂左（咗）婚...係想準備好哂（晒）啲嘢先同大家講！如果唔係...啲傳媒朋友就會問足我一年結婚嘅嘢...唔好再不停問我身邊嘅人我係咪有左（咗）先結婚啦唔該！冇獨立思想嘅人同一條死魚有乜嘢分别呀？！」而她上載的照片，身型果然是fit到爆，其實謠言已經不攻自破，希望Ella唔好再咁激心啦！