黃宗澤祝福杏兒：搵到個啱拍拖好正常

型男黃宗澤（Bosco）在九龍城開設的蠔吧，親手製作海鮮生蠔拼盤賀新年，寓意新一年豐衣足食。他透露為了放假陪父母過年，不惜推掉七位數字內地商演：「有好多年新年都冇放過假，今年推咗啲工作，放假陪父母過年，或者會去吓旅行。」

嘆冇時間搵另一半

提到「前度」胡杏兒與新歡Philip Lee甜蜜拍拖，他大方送祝福謂：「搵到個啱拍拖好正常，我就要努力啲，都想搵個鍾意o架，但開工冇時間比較難識人。」

向張家輝「挑肌」

剛完成大陸劇《偏偏喜歡你》的Bosco被發現愈來愈fit，原來他於劇中有不少騷肌場面，故開工除了要戒口外，更要密密做GYM，他說：「磅數上係近年最輕，都操得有啲成績，我都影咗張相畀張家輝，都追番近佢少少，佢答我仲比佢差啲啲！」Bosco透露下半年將返回無綫拍劇：「香港係自己地方，點捨得香港呀，香港拍劇輕鬆啲。」