周秀娜羊年新希望:要靚桃花

20150220
東網電視
更多新聞短片
單身多時的周秀娜希望羊年有靚桃花。
由模界闖入影壇,去年更開始在商界大展拳腳的女神周秀娜(Chrissie),可謂財源滾滾來!悉心打扮谷盡三吋事業線的Chrissie走入桃花陣,取其意頭,盼望來年桃花運與人緣同樣可以「谷到盡」!即將三十歲的Chrissie可謂圈中黃金盛女,她也坦言今年應該會有許多桃花:「拍拖就年年都想,不過今年工作上將會有好多關於愛情故仔,我覺得今年應該會有好多桃花,希望係靚桃花!」自言單身還未有對像的Chrissie,擇偶條件方面着重內在多過一切。她說:「依家真係無擇偶條件,以前好多時外表行先,因為第一個感覺,依家反而相處落,性格重要啲,不過暫時仲未遇到,希望今年羊仔可以帶畀我好運。」
豪派利是無上限
雖然Chrissie還是單身貴族,不過今年依然會大派利是,直言利是budget冇計過。Chrissie豪氣地說:「我無預計過,但我梗係覺得愈多愈好,自從入行第一年已經開始派利是,我好想多謝一年來辛苦做嘢嘅同事同朋友,我覺得新年派利是都係希望大家新一年可以順順利利嘛!五位數字?六位數字?可能六位數差唔多。」
羊年望演舞台劇
身為吸金聖手的Chrissie,談到新年願望時,直言希望可擴大其內衣王國版圖。Chrissie去年成功創立自家內衣品牌並榮升CEO,早前更開始正式在網上發售產品,她的新年願望是年中可以在香港正式有一間實體店,並希望可以在其他亞洲區地方開舖。至於其他新年願望,她說:「第一梗係希望身體健康,身體健康先可以做乜都得,同埋今年想喺電影方面可以有一個自己鍾意嘅劇本,因為舊年拍《分手100次》,小嵐呢角色帶畀自己好多,所以好想拍多啲關於愛情故仔,同埋演港女角色,因為我都好想幫佢哋(港女)平反,另外都想喺自己二十九,踏入三十歲階段拍到《廿九加一》呢個劇本,因為我幾年前睇過呢齣舞台劇,咁啱今年係呢個年紀,所以覺得好適合。」