阿刨難忘過年向任劍輝逗利是

每逢新春，龍劍笙（阿刨）總會想起和師傅任劍輝（任姐）過節的回憶。她接受《東網》訪問，透露以前過年第一件事就是向任姐拜年，她說：「以前過年前會忙住排戲，任姐年尾生日，我哋會盡快排完戲，就拿拿聲去斟茶食飯，跟住又去再排，第二朝就去搵任姐逗利是，年年都係咁開心，真係令人難以忘懷！」身為任姐得意門生，大家都以為阿刨的利是定必最大封，但阿刨卻說：「唔會，任姐好公平，一視同仁，任姐個個都錫！」問到任姐過年最喜歡吃甚麼？阿刨笑說：「問仙姐（白雪仙）啦，佢最清楚！」

養生有道Keep住靚

談到本身最愛吃甚麼新年小食？阿刨表示以前因為要Keep住靚聲，所以要戒口，錯過了很多美食：「後生因為要做戲，所以唔可以放肆食煎炸嘢，辣嘢我又唔受得。依家食得喇，就因為年紀大唔食得，同美食擦身而過。不過睇見人哋食都好開心，唔使一定自己食！」儘管阿刨已經70歲，不用敷Mask，依然Keep得咁靚、咁弗。談到養生之道，原來她全靠松哥（劉松仁）：「松哥教咗我幾招回春功，要日日練，一連串動作，有三款，日日做會好啲，自己又會練平日基本功嘅動作，壓腿之類，令筋骨更鬆！」

祝福後輩

另外，早前和刨姐合作《任藝笙輝念濃情》的兩位梨園新人李沛妍及鄭雅琪獲得刨姐的祝褔，刨姐祝二人身體健康及早日找得情人。她們立刻表現嬌羞，並面紅耳赤的說：「承你貴言！」