莊冬昕又一年度之作！

「軟雪糕雪糕雪糕，食軟雪糕雪糕雪糕......」呢首歌相信大家都聽過，貴為「軟雪糕之父」嘅莊冬昕趁住新年再次發功，推出新歌《今晚打老虎》，只係短短幾日，就引來一眾網民嘅熱烈討論，唔少人仲話呢首係繼《軟雪糕》之後又一洗腦歌！

相比起莊冬昕之前嘅代表作，今次網民嘅反應更加熱烈，仲多咗粉絲留言力撐！不過呢首新歌亦算無令一班粉絲失望，皆因佢再次用番同一種pattern唱，係就不斷重複唱首歌名：「今晚打老虎，我今晚打老虎，今晚打老虎，虎虎虎...」其中，有網民就大讚佢係新一代嘅「亞洲唱作天王」、「宇宙最強唱作天王」，但亦有人唔太欣賞，留言話首歌只係將啲音差唔多嘅句子炒埋一齊，唔算係「音樂」！有心水清嘅網民見「哭腔Don」李逸朗成功上咗位，於是就留言話：「而家香港d（啲）歌愈傻的嗎愈易紅，佢醒目仔黎（嚟）！」

網民有話兒：

x與x：而家香港d（啲）歌愈傻的嗎愈易紅，佢醒目仔黎（嚟）！

每周xxx事：亞洲唱作天王

man xxx txx：又一新洗腦歌

asxa0a：BGM好正，不過D（啲）歌詞真係...好無聊

XXX英：聽到頭痛

DxxxxxxxxHK：我覺得正

傑XX畢：其實外國有好多好紅既（嘅）英文歌都係不停用類似既（嘅）旋律重複又重複，好唔好聽就見人見智！