梁靖琪新年喪跑10K

新年期間個個大吃大喝，真係肥咗好多都唔覺，所以呢唔少藝人趁住唔使拜年，就去咗做運動阻止肥肉增加，藝人梁靖琪（Toby）上載嘟嘴自拍相到網上，並留言：「今天諗住跑三十分鐘⋯跑跑下邊四十分鐘⋯唔知點解唔想停⋯終於發現自己考（跑）完10K!..唔知係咪睇完 Forrest Gump好有動力去跑nea!! Lol!! 'Run Forest Run'。」Toby咁落力跑，睇怕佢今年都唔使過「肥」年啦！

而排球好手鄧麗欣（Stephy）趁住新年亦去咗打賀歲波，佢上載咗張排球場嘅相，唔知近日頻頻操肌嘅男友方力申有冇陪佢一齊打呢？