越洋拜年　宋熙年大讚智燊家人親切

藝人宋熙年（Sarah）到將軍澳電視城出席無綫節目《奧斯卡®頒獎典禮》開鏡儀式，主持人之一的Sarah今日身穿一襲紅色長裙，再配上同場的紫人張曦雯，一對玉女高貴得嚟，仲大紅大紫不失新年氣氛。席間二位主持人加埋蘇頌輝仲同現在身處洛杉磯的陳貝兒越洋通電問近況添。

Sarah接受訪問時就話自己由年三十晚開工開到今日，聽朝一早八點鐘仲要做奧斯卡直播：「其實都好緊張，記得第一次做直播要做六個鐘頭，所以啲功課真係要做得好足。」

問到咁忙嘅Sarah點同男友陳智燊過年，佢就話智燊返咗英國陪家人：「我哋都有keep住聯絡，仲有用face time同auntie越洋拜年。」之後佢仲話auntie不時會capture低熙年嘅節目send畀自己睇，認真親切！問到佢有冇被催婚？熙年就話暫時未有，智燊屋企人都希望佢哋以事業行先。