古天樂笑佘詩曼媽咪着比堅尼過年

20150222
東網電視
更多新聞短片
古仔真係好跩跩,好彩佘詩曼無畀佢拋窒啫。
古天樂與佘詩曼早前四出宣傳《衝上雲霄》電影版,為人傳統的古仔,坦承入行以來惟一爭取的假期,便是農曆新年,因為要陪伴家人。談到過年習俗,他表示:「年卅晚吉時要起身幫手拜神,揀啱係凌晨5點都幾辛苦。年初一我就會同父母跪地斟茶拜年。(今年幾套賀歲片喺手,派利是改派戲票?)你就想嘞!」他又指至今仍會隨家人往親戚家拜年:「啲親戚見慣不怪嘞,只係每年總有啲親戚嘅小朋友大得好快,我認唔出佢哋囉。」
至於阿佘,由於其母早年移居夏威夷生活,故思想較西化,家中亦沒甚麼賀年習俗可言:「佢以前喺夏威夷住,過年我哋喺沙灘曬太陽囉。」在旁的古仔聞言即謂:「咁佢過年咪要着比堅尼囉?」阿佘聞言即笑謂:「佢而家返咗嚟香港住嘞,所以改着旗袍。」