鄭嘉穎爆成日被親友催婚：慣晒！

鄭嘉穎、C AllStar等在將軍澳電視城為李思捷與單立文主持的節目《今晚睇李》錄影。嘉穎表示是應李思捷邀請擔任嘉賓，問到有否事先要求思捷「唔准問啲咩」，嘉穎笑說：「我驚佢呀。多啲唔同節目係好事，仲會喺節目裏面打網球。」

嘉穎又指已有多年沒有留港度歲，今年主要留在屋企陪家人及到親戚家拜年，問到可有被親友催婚？他說：「慣晒啦，會結就始終會結，催唔嚟，適合嘅人都未出現。」

李思捷則指嘉穎甚少在節目中玩遊戲，今次應邀亮相十分畀面。問到會否向嘉穎逼供？思捷說：「唔會，同嘉穎識咗十幾年，唔想失咗份友誼，唔會令佢hard feeling。」單立文則笑說：「我同佢唔熟，等我問啦，佢咁多段感情，你哋想知邊段？」

講到上周節目收視平均16點，李思捷表示滿意，並謂想不到節目在晚上十時出街也能吸引如此多人注意。