品味一樣　吳千語自爆同林峯襯到絕

藝人吳千語（Karena）與靚聲組合C AllStar首次合作，為運動鞋履品牌拍攝全新一輯平面廣告，選在戶外滑板場取景，眾人要在崎嶇地形的賽道不停跳躍、跑斜路及舉啞鈴等高難度動作。而再度成為品牌港澳區品牌代言人的Karena，在拍攝當日獲品牌經理專程前來探班打氣，足見地位超然！

Karena表示平日衣着多以Sporty Chic配襯：「因為工作要着高跟鞋，雙腳容易酸軟，所以平時會多着運動鞋襯衫。成為品牌代言人之後，我屋企多咗好多舒適嘅運動鞋，好輕易就襯到衫出街。（拍攝時做咗好多高難度動作？）我今日做咗好多運動，不停跳躍、跑斜路同舉啞鈴，好攰，差不多等於做咗一年嘅運動量，但係我好Enjoy流汗嘅感覺。」

她又透露會為男友林峯配搭衣服：「平日同男友出街我會幫佢揀衫同襯造型，所以啲朋友成日以為我哋着情侶裝，其實只係Style相似咋。」