過咗個肥年！王菀之着唔落戰衣

王菀之憑電影《金雞SSS》入圍第九屆亞洲電影大獎的「最佳新演員」，下午出席記者會時，她表示感激2013至2014年所有合作過的導演和演員：「好多謝咁多人支持，好榮幸，自己有好大福氣，好感恩。自己都仲係新人，佢哋教咗我好多嘢，拍戲好好玩，自己都學好多嘢，我會繼續努力，唔會辜負大家。」誰是最大競爭對手，她指許多電影也未於香港上映，但謂自己有收看奧斯卡，見到好多人講得獎感受，自言也很感動。記者笑問有否抄低準備得獎講，王菀之笑道：「抄低咗都會唔記得，第時上唔到台攞獎，我會上網補番。」

望嘗試更多角色

至於是否已準備好戰衣，她說：「過咗個肥年，依家着唔落啲衫，男友叫我着第二件衫。」王菀之又稱現在多拍搞笑角色，希望日後能嘗試更多元化的角色，而之前所拍的電影已是自己的性感底線，並盼有機會跟導演張婉婷合作。