谷胸陳嘉桓「Big」贏高海寧蔡思貝

陳嘉桓入行多年畀人嘅形象都係清清純純，從來都唔覺得佢係有身材之人，不過正所謂「女大十八變」，陳嘉桓終於長大喇，尤其係上圍，更加突然快速成長咗！

呢日陳嘉桓谷到盡咁現身香港國際毛皮時裝展覽會嘅「皮草之夜2015」活動，唔單止晒盡一隻美腿，仲要谷到個胸勁一勁都無咁勁，搞到向來有「乳牛」之稱嘅高海寧都要甘拜下「峰」，而同樣谷盡胸現身嘅蔡思貝，更加係輸足成條街！

谷胸谷運氣

對於性感上陣，Rose話：「因為要尊重場合，件衫似外國宮廷Feel。（宮廷衫要谷一谷？）係呀，羊年第一日開工，要谷一谷，谷行啲運氣。（今年走性感路線？）舊年做好大嘅嘗試，好似電影《販賣．愛》，尺度大膽，其實自己一路想做唔同嘅嘢，唔單止性感。（有無底線，會唔會挑戰個人底線？）唔一定挑戰性感。」

拒露點唔怕輸蝕

對於近日有老闆想搵女星露點拍電影，Rose聞言表現驚訝說：「哎呀，師傅（冼國林）未必接受到，唔一定要露晒。（會唔會露點？）緊係唔得，露晒嘅感覺唔好。（依家競爭大你唔肯露點會唔會輸蝕？）唔會，每個行業有唔同需求，我肯捱，可以拍打戲，文藝片都得。我可以剪短頭髮反串做男仔，因為身形夠高，之前都試過喺電影反串做男仔，都幾受女仔歡迎，所以可以試吓改變形象。」