可嵐擲百萬打造湖景咖啡店

廣告新貴邱美薇（Chelffy）、可嵐、黃穎君（Burmie）及黃毅進日前於天后大歎團年飯，「豪擦」鮑魚及金蠔等貴價賀年菜！大飽口福的眾人談起羊年願景，Chelffy率先自爆恨拍拖，更獲「高人」指點可於今年訂婚：「我同Burmie去佛山玩兼求籤問姻緣，因為年齡都差唔多喇！點知師傅第一句就話『你今年可以訂婚喎』！（有訂婚對象？）選擇中，未了解清楚，對象最緊要錫我！」至於Burmie就自爆籤文上驚現「婚不合」的批文：「見到真係好擔心，好彩師傅話計番生肖就唔關事！」

而走出婚變陰霾的可嵐就自爆會帶兒子到前夫家拜年：「依家（同前夫）關係nice咗，大家放低咗憤怒，成熟面對，唔想影響個仔。」重新出發的可嵐又大爆會打算動用過百萬元打造靚景咖啡店：「地點已經落咗訂，因為有我好鍾意嘅湖景，但攞牌照就有阻滯，萬事起頭難，慢慢再研究！」同場模特兒出身的無綫藝員黃毅進就透露正報讀演技課程增值自己，又明言不介意為工作晒出其「朱古力」腹肌！