甩巨咪女　鄭嘉穎擸繡春刀生劏陳山聰

鄭嘉穎和陳山聰為新劇在後巷激戰連場，上演殭屍、獵人生死鬥，而嘉穎更打到身水身汗，認真落力！談到感情狀況，嘉穎直指現時打算專注工作，亦否認被索女狠飛：「係有共識咁分手！」

藝人鄭嘉穎和陳山聰在荃灣拍攝無綫新劇《殭》的動作戲，鄭嘉穎手執一把銀造繡春刀，在後巷惡戰張牙舞爪的殭屍陳山聰。近日天氣回暖，着住厚衫的嘉穎打到身水身汗，嘉穎大爆該劇打到飛起：「過完年就拍呢啲Heavy（重頭戲）嘢！（要吊威也？）又好少，因為公司收購咗間特技公司整CG，同埋威也做唔到嗰種速度！」又指劇集以殭屍作題材，所以多數都拍通宵。雖然晝伏夜出，不過嘉穎仍堅持打網球，Keep住做運動。

感情唔好拖泥帶水

最近甩拖的他被問及感情狀況，就直言現想專心工作：「開工就唔好搞咁多嘢住喇，開完工先算！（畀啲空間你？）梗係要畀啲空間啦，成件事都玩完啦！」問與「巨咪女」可有再聯絡，他說：「依家係朋友啦！」又指自己並非被速撇：「係有共識咁分手，覺得既然唔啱就唔好拖泥帶水！」

美國特製殭屍眼鏡

同場的陳山聰直言此劇製作水準極高，特意為他從美國訂製全黑隱形眼鏡打造一對殭屍眼：「只係頭一次係用咗四十分鐘先戴到，因為唔識戴，唔知點隊上去，睇嘢又好似戴咗黑超咁。」而4月中劇組將遠赴荷蘭取景，他十分期待：「唔使開工嘅話一定會跑吓步！」