黃智賢專業形象入屋　穿西裝最煞食

無綫藝員黃智賢在劇集《四個女仔三個Bar》西裝骨骨飾演大律師為他殺出「專業形象」的戲路。三月黃智賢將會以「男一」姿態與陳慧珊拍檔開拍新劇《波士早晨》 ，今次扮演電訊公司CEO繼續他最煞食的西裝Look拍劇。

近日黃智賢到中環LUXE Tuxedo為新劇度身訂造西裝，他說：「除咗工作平都好少着西裝，新劇有九成時間都係着住西裝。同陳慧珊識咗好耐，今次係第一次合作，佢都做開專業人士角色，應該會有火花。自己好少做喜劇，但一路都好想拍喜劇，演員係咁貪心乜都想試下。今次角色似衰鬼波士嗰種，把口好賤、好抵死，戲裏面成日寸飾演我前妻嘅陳慧珊。」

新劇以辦公室攻略為題材，黃智賢為求拍出辦工室舌劍唇槍的情況，要向「私人顧問」請教，他笑說：「自己未做過辦工室工作，太太係做文職，所以最直接係向佢取經，問吓佢意見。」