郭晉安單拖幫屋企人掃貨

視帝郭晉安去年大豐收，名利雙贏更搬埋大屋，實行同全家人分享努力成果，其實安仔除了在住屋方面貼心為家人安排好，原來衫褲鞋襪佢一樣照顧周到，日前他便撇下太太歐倩怡及家中兩位小朋友，獨自現身中環買衫，作風平實的他專攻款式簡單的便服類，孭着背囊於時裝店內細心地揀完褸又揀褲，睇完成人款再睇童裝款，不過最終亦未能揀啱心頭好，只見他邊行邊撳電話步出，當看見不少巿民興奮地眼望望，安仔均禮貌地報以微笑，然後急急步往附近的停車場取車。