蕭正楠每日Phone狂追蹤翠如BB

蕭正楠接受《東網》訪問，坦言每日都有跟在韓國拍劇的女友黃翠如聯絡，表示韓國天氣好凍，翠如BB每日開工時間好長，好擔心：「嗰度每個場地都距離好遠，而且成日要轉酒店、執行李，都幾心痛佢，我都知佢作緊病，叫佢搵定啲藥食咗先，之前走得太急，所以冇買定啲維他命丸過去，希望同事幫我好好照顧佢啦！」

談及翠如BB與對手攬到實一實，他笑言：「拍劇梗要拍到最好，咪叫佢當個男主角係我咪得囉！」他又指因為現時自己正忙於拍劇，故沒時間到韓國探班，希望翠如可快些順利拍攝完畢返港！

而星期四晚播出的無綫節目《家家有喜事》中，蕭正楠及曹永廉新正頭教大家點樣催旺桃花，二人用紅繩互綁手，蕭正楠更向曹永廉送花，男男互動場面非常核突，有網民搞笑指翠如BB身在韓國搏命工作，蕭正楠即與曹永廉高調「談情說愛」，搞到翠如BB好似做咗小三咁款，仲叫翠如BB喺韓國攬多幾個靚仔報仇。