BABY牛一　粉絲詐型曉明無求婚

Angelababy（楊穎）與黃曉明一向愛得高調，今日就係Angelababy嘅二十六歲生日，黃曉明當然唔會乜都無準備啦，一早就安排咗生日派對畀Angelababy，現場布置晒充滿浪漫氣氛嘅粉紅色氣球，較早前甫嘅相就未見到黃曉明嘅身影，只係見到Angelababy一個人低頭對住蛋糕許願，但原來搞笑嘅黃曉明趁Angelababy許願期間，從後亂入攝位晒V合照，不過黃曉明高速移動搞到張相有少少矇，為咗滿足一眾粉絲，佢哋之後再甫出二人頭貼頭嘅幸福合照，大放「閃光彈」。

早前接受訪問時黃曉明露口風話會係今年娶Angelababy過門，好多粉絲都推斷黃曉明會趁Angelababy生日「做嘢」，但係見到佢哋放嘅相都係普通慶生相，粉絲們都紛紛表示失望，並催促黃曉明快啲求婚。