米蘭勁攰　藍男趕「造人」冇覺好瞓？

藝人李亞男與王祖藍一結完婚即遠赴歐洲，度過婚後首個甜蜜新春，唔經唔覺，佢哋已經玩咗十日，去咗法國同瑞士！每去一個國家都必定自拍留念嘅佢哋，去到今站米蘭又上載自拍，但係有別於以往嘅自拍，「藍男」今次望落特別攰！素顏上陣嘅亞男望落冇乜神，祖藍更要用黑超遮樣，令網民紛紛留言猜測「藍男」搞咩咁攰，唔通係趕住「造人」而冇覺好瞓？