蔡思貝唔怕傳緋聞　只怕冇朋友

藝人蔡思貝（Sisley）今日到科學園出席無綫新劇《衝線》宣傳活動，除了Sisley之外，劇中要員包括吳若希，沈震軒以及林夏薇等均有出席，當然不少得正於在內地拍電影，久未在港露面的羅仲謙。

Sisley接受訪問，被問到有傳無綫最近下令旗下藝人不準許於微博公開多謝贊助商一事，Sisley表示只聽聞而不了解詳情，不過她認為公司的出發點是保護藝人的利益：「如果啲藝人成日post，可能都難啲有廣告贊助啦！（會唔會覺得無綫此舉嚇怕廣告商？）唔會，其實我哋同贊助商都係好朋友，關係友好，所以我覺得無所謂。」

另外又有傳無綫將自設狗仔隊跟蹤旗下藝人，Sisley笑言從未聽聞，問到有否覺得影響私隱？她謂：「都唔會吖，其實返工都無乜嘢影。」

談到今次《衝線》花邊新聞層出不窮，Sisley就笑稱全劇男演員都傳過，唯獨陳奐仁並未有份，不過她亦向眾緋聞男落閘：「全部都無可能，因為事實上我哋係好朋友，咁好朋友就好難變成情侶，不過我反而驚傳緋聞會搞到我哋唔能夠做朋友。」