力谷宣傳　羅仲謙顯「鷹」姿

藝人羅仲謙（謙仔）今日到科學園出席無綫劇《衝線》宣傳活動，早近忙於在內地開拍電影的他非常抵得諗，專程請假返港為主演劇集打響頭炮，活動上更以一身緊身單車裝束示人，盡顯「鷹」姿。

訪問時謙仔提到在內地拍電影時，最辛苦只是其角色的妝容需化上數小時，不過內地給他的待遇非常好：「做番演員自己本份就可以。（過年可有假放？）過年有幾日返咗香港，探吓屋企人同朋友。（探楊怡？）有用電話拜年囉，我知道佢好多嘢開緊。（有冇詐型呀？）搵食呀大佬！但香港始終係我嘅根。」

而提到《衝線》與另一套由楊怡主演的無綫劇分別在同一日先後啟播，問他會否怕與女友打對台？他笑謂：「希望大家收視都好啦！但始終劇種唔同，佢哋係警匪，我哋就青春。」