米蘭報喜　楊紫瓊宣布今年結婚

國際女星楊紫瓊與未婚夫Jean Todt於米蘭時間2月28日出席在當地舉行的《Roberto Cavalli 2015秋冬時裝騷》，問工作計劃？她透露稍後要到內地為電影《臥虎藏龍II青冥寶劍》拍攝後期以及投資了美國劇集，但由於仍未傾細節，故未能透露詳情。至於婚期，她說：「就快，應該會係今年。（香港定意大利搞？）未知。但婚禮唔會大搞，只會同至親戚好友食飯。」

有傳今次是Cavalli最後一場騷，問楊紫瓊是否專程來捧場？她說：「我同佢好熟，所以專登嚟，今朝到，聽日就走，我希望有時間Shopping，夜晚會約朋友食飯。我之後飛巴黎，再去印尼宣傳道路安全，再飛返巴黎睇Fashion Week，之後返香港。」