李雨陽化身小學雞

唔少人都好懷念昔日嘅青蔥歲月，藝人李雨陽被邀請返母校擔任宴會司儀，佢喺微博上載當日嘅相，並留言:「回到學生時代～重見小學班主任，擔任校友會五周年晚宴司儀，好嗨（開）心呀～」見佢同班主任搭晒膊頭影相，唔知班主任見到以前嘅學生依家又高大又靚仔，係咪覺得好欣慰好開心呢？李雨陽仲同個校服紙牌合照，即時化身小學雞，唔知佢以前嘅小學生活有冇浮現腦海呢？