謝天華一闊三大慳住洗

剛榮升父親的謝天華接受電台訪問時大談父子經，他表示不時與囝囝傾偈，又透露太太Tina有餵人奶，天華說：「依家人奶、奶粉兩溝，最初以人奶打好基礎先，之後先兩溝。」問到當了父親是否減少購物？天華說：「係慳家咗，慳咗自己買嘢嗰部分，以前見到鍾意就買，氹自己開心，依家減少呢啲情況。」

天華自爆早前出國工作時，趁機會買下一家三口親子裝，他說：「之前見到小朋友嘢望都唔望，我之前竟然買咗套爸爸、媽咪同仔仔一Set嘅一家三口衫，我畀老婆睇，佢第一個反應係，你係咪着先。」