北京再度捕獲栢芝　網友激讚皮膚靚人又瘦

向來以一對寶貝Lucas同Quintus為中心嘅藝人張栢芝，感情超好嘅佢哋經常會齊齊出遊，但尋日就有網友喺北京影到栢芝喺工作人員嘅陪同下去咗遊戲中心夾公仔，但當時卻不見Lucas同Quintus嘅身影，事後網友將栢芝嘅相上載微博，仲留言大讚佢青春逼人：「今天偶遇張柏芝，人超瘦，皮膚嫩嫩嗒（的），哪裡（裏）能知道有了兩個娃！她手氣很好，抓了好幾個玩具，很喜歡的女明星之一，難得一見，希望她新年快樂！天天開心啦」似乎童心未泯嘅栢芝玩得相當盡興，而且手氣仲好好添，可以成功夾到3個公仔，認真犀利！