鍾舒漫首度現身回應男友咀女：要有緩衝期

歌手鍾舒漫（Sherman）出席活動。自從男友吳浩康（Deep）被爆咀女後，Sherman首次公開露面，她直言雖然已經原諒了Deep，但兩人仍需要一個「緩衝期」。談及現在心情，Sherman直言已經沒有不開心，而Deep亦有跟她道歉：「佢有講對唔住，佢都知自己行為不恰當，但我哋已經處理咗。」問到「處理」是甚麼意思？Sherman坦白大家有互相溝通，亦有共識需要一個「緩衝期」。問到「緩衝」是否代表需要分開冷靜一下？Sherman直言：「唔好咁講，係依段關係大家需要休息吓，但我哋仍然有聯絡。」問到「緩衝期」需要多久？Sherman就話：「唔知，要睇時間。」

談到Deep如何解釋咀女事件，Sherman說：「佢有講番個情況，佢知自己咁做係不當，當然我都唔認同，過後要有一個緩衝時間。」問到Deep有否對她許下承諾不再出軌？她直言大家有社交生活屬正常，如果每次都要管住，太似小朋友拍拖：「咁大個人識得自己衡量，佢都明白社交生活係要有個界線。」她又表示自己有時亦會出席飯局，但Deep比較容易被傳媒影到。

男友貪玩與不接受婚前性行為無關

問到Deep被指咀女後，有否影響感情？她謂：「感情冇咁易話變就變，都要建立好多嘢，有過去嘅根基喺度，大家唔好只憑一件事去判斷，內裏仲有好多故事，我哋亦都已經處理咗，我原諒咗佢。」問到有報導指Sherman因信仰原故不接受婚前性行為，所以是否Deep才約女性朋友去街？Sherman坦言：「如果因為我嘅身分而發生咁嘅事好唔合理，兩個一齊唔係淨係得依樣嘢，仲包含咗好多嘢。」