蔡卓妍唔怕激情戲激親男友：佢嗰啲仲勁！

東網電視

蔡卓妍同陳偉霆都咁專業，點會為啲激情戲呷醋呀！

英皇集團主席楊受成博士、藝人蔡卓妍（Sa）、任達華、杜汶澤到九龍灣出席新片《雛妓》首映，容祖兒、黃秋生、張敬軒、鍾欣潼、鍾舒漫等英皇藝人均有到場力撐阿Sa，但不見與鍾舒漫正值緩衝期的吳浩康。

阿Sa透露Sa媽有到場睇戲，問可會擔心戲中激情演出會令媽咪尷尬，她說：「其實爹哋、媽咪都可以嚟睇，不過睇完最好唔好研究劇情囉！（怕唔怕男友陳偉霆介意？）佢嗰啲咪仲勁！（會唔會尷尬？）點解呀？大家都係演員，我睇佢都唔會尷尬啦！」

唔敢諗攞影后

談到角逐金像獎影后信心問題，阿Sa表示：「對手個個都犀利，我已經睇晒佢哋啲戲，入得圍都犀利，雖然我都好想攞獎，但唔敢諗，好怕會失望，到宣布嗰刻唔係自己，嗰場戲好難演！事先要做好心理輔導先。」

對於新片票房，她說：「唔會好大壓力，因為好多影評都話好。（監製杜汶澤想同你合作種族歧視題材新片）係咩？好呀！」

on.cc東網