女神陳瀅為新劇減肥　自爆元宵佳節冇人約

藝人陳瀅（Jeannie）身穿中國旗袍，戴住苗族婚嫁用品現身觀塘「古董定情信物嫁妝珍藏展」，對於將來結婚所帶嘅飾物，Jeannie坦言鍾意簡單：「我鍾意啲比較細嘅，有金器，但都係迷你版。」

近排開拍新劇《疆》的她坦言要為角色減肥，她說：「新年食咗好多年糕，初三又去咗阿聰（張繼聰）屋企。」至於元宵佳節，Jeannie就話未知有冇人約，不過就希望可以同劇集《四個女仔三個Bar》（下稱《四》）其餘三位女主角食飯慶祝。提到有指《四》會開續集，她亦表示希望可以。

至於《四》劇集令Jeannie被封為「女神」，問到會否多咗被邀請出席活動？她笑言：「之前係因為拍劇所以冇時間接活動。（女神價會唔會高啲？）哈哈，我唔知呀，都係公司幫手傾。」另外，嚟緊4月中，Jeannie透露會到荷蘭遊玩，她說：「嗰陣時《疆》會喺荷蘭拍攝，不過我喺荷蘭係無戲份，我自資去，同埋幾個朋友去，去10日到。（會唔會購物？）我比較鍾意影相，影啲舊建築物，好少shopping。」Jeannie仲話希望喺荷蘭之旅可以搵番個法國仔回港。