薛凱琪哭崩盡訴抑鬱症痛苦

歌手薛凱琪（Fiona）昨晚舉行兩場分享見證會與逾百名觀眾分享過去的經歷和神迹，甫開場不久Fiona就開始眼泛淚光，期間兩度喊到淚流滿面，憶述當初患上抑鬱症的「瘋癲」程度，連送錯外賣都會像世界末日一樣尖叫，又不時自殘鎅手，甚至為自己「設計」了一百種自殺方法，直至有一次半夜萌生自殺念頭。

幸好得緋聞男友方大同開解：「有晚心入面有把聲係咁叫我去死，當時我喊住咁打畀我最理性又最信得過嘅朋友方大同，同佢講：『我今晚要死喇，你可唔可以叫我唔好死？』結果傾咗一晚之後，我決定正視個病。」

讚祖名變得成熟

當Fiona與現場逾百名觀眾一同祈禱後，問祈禱對象是否包括緋聞男友房祖名？她說：「佢係其中一個，我有聯絡過佢，覺得佢成熟咗，無論聲線定講嘅內容，係全新嘅祖名，都想有機會約佢面對面傾偈。」