陳瀅孖何雁詩玩轉遊樂園

無綫熱爆劇集《四個女仔三個BAR》已經播完，不過劇中女主角陳瀅同何雁詩嘅友情就唔會完嘅！兩位索女就孖住一齊去主題樂園玩！真係friend過打band喎！不過咦？點解唔見另外兩位女主角陳凱琳同劉佩玥嘅？

雖然其他姊妹唔喺度，陳瀅同何雁詩都一於少理，照樣upload靚相上Instagram大晒特晒！陳瀅仲好開心咁攬住個公仔添！坐「小飛象」嗰陣，陳瀅依偎喺何雁詩個膊頭，而何雁詩就興奮舉V，十足小情侶一樣呀！何雁詩upload相時留言話：「disney with my女神.（和女神去迪士尼樂園。）」見佢兩個又玩旋轉木馬，又同卡通人物合照，大玩特玩！真係羨慕死好多宅男呀！