向洪永城事先聲明　唐詩詠拒與煙民拍拖

藝人唐詩詠及吳業坤到油塘出席戒煙活動，詩詠坦言不會接受吸煙的男朋友：「我屋企所有男士都吸煙，我爸爸早前成功戒煙，哥哥戒緊，吸煙對健康真係唔好，對心臟唔好，煙又賣得貴，我5歲時已經同自己講，第時男友唔可以係煙民，以前細個有個男友，分手後我至知佢食煙。」

問緋聞男友永洪永城是否煙民？她說：「唔知呢，你哋問番佢，（你有提醒過佢唔好食煙？）冇講過，不過我真係接受唔到吸煙男，好大問題。（所以佢依家都追唔到你？）哈哈哈，依家終於明點解啦！（好介意人食煙？）真係唔得，實扣分，就算諗住拍拖都會唔拍。」

她又笑言幸好沒遇過本身是煙民的接吻戲對手：「好好彩冇遇過，TVB嘅同事都OK嘅，如果真係遇到，會畀粒糖佢食。」