同鞏俐對戲　羅仲謙：感受到佢嘅氣場！

羅仲謙出席劇集《衝線》宣傳，匆匆由無錫返港的他，透露電影《西遊記之孫悟空三打白骨精》將於本月底完成，屆時可盡力為《衝線》宣傳。他指今次拍電影比想像中學習到的還要多，更可能與鞏俐有更多連場對手戲，他謂：「佢嘅氣場完全感受到，早年嘅我實腳都軟，好在喺電視圈浸淫過都定啲。（有冇教你做戲？）有傾偈，好主動叫我坐佢隔離傾劇本，真係乜都講，今次識咗好多新朋友，眼光闊咗！」

談到女友楊怡曾表示考慮到內地探班，謙謙笑指未成事，坦言也有意邀請對方到無錫觀光，順道介紹該片演員給她認識，問到屆時將以什麼身份介紹阿怡？阿謙謂：「到時先知，其實過年都有互相打電話同長輩拜年嘅，順道講吓近況咁。」