韓國拍戲　黃翠如囧樣求病戲

近日遠赴韓國拍攝電視劇嘅藝人黃翠如，喺異鄉工作，又點會唔辛苦呢？早前翠如BB亦自爆為拍戲而要通足幾晚頂，飽盡辛酸！拍戲期間，有一幕佢要照顧患病嘅男主角（韓國型男安信源），當中安信源因為「患病」，故可以奉旨喺床上瞓覺。此舉即觸動到一直冇得瞓嘅翠如BB，故隨即將安信源嘅睡姿影低，仲up上網同大家分享，並留言：「來了一場戲，一個病人，和一個照顧病人的可憐人，這位安先生二話不說馬上睡了，可否也賜我一場生病戲…………」，在相中黃翠如露出囧樣，十分可愛。