《衝線》洗腦歌進攻　吳若希：支持洗腦

吳若希（Jinny）出席世界腎臟日活動，見她右手戴上不少情侶愛戴的「情侶鈪」款式，她即言不是情侶鈪，而是風水師傅指她今年流年好動盪，宜佩戴金色手鈪，並說今年很多機會出外工作是比較頻撲一年，更叫她要注意健康，所以都準備請風水師到家中看風水。問到篤信風水？Jinny坦言：「都係呀，因為老闆都好信，上年都有睇到。（講中晒？）舊年話我屋企正門好惹是非，果然年尾啲是非就飛埋嚟。」

另外，講到無綫正播出的新劇《衝線》她有份演出兼唱埋主題曲，繼《越難越愛》後再次洗腦式播放？Jinny笑謂：「唔覺得洗腦唔好，支持洗腦。（傳大隻仔溫家偉與蔡思貝傳緋聞，可覺是例牌的宣傳手法？）唔覺得新奇，所以緋聞出嚟都唔驚訝。（大隻仔都係你緋聞男友，覺得甩難？）都係傳啦，除非佢兩個親口同我講我就信。」