結婚11年！林文龍陪老婆囡囡行山戲水

做人老公甚艱難，尤其家有妻兒嘅男人，真係少啲精力都唔得！就好似藝人林文龍，今日佢同咗生命中兩位重要嘅「女人」郊遊，首先朝早就同咗郭可盈去行山兼預祝明天結婚11周年紀念，而下晝佢就同咗囡囡小津去咗沙灘戲水，事後文龍就喺微博上載佢哋嘅合照，仲調皮咁大爆老婆郭可盈討厭做運動，佢哋結婚第11個年頭，先第一次同佢一齊去行山：「明天就是我倆結婚11週年，她終於肯跟我一起做運動了，就是『行山』，下午再帶個女去沙灘玩，天氣很好！生活其實真的很簡單！」