陳凱琳擔心新劇出街畀觀眾鬧

藝員陳凱琳與陳煒在將軍澳電視城錄影楊秀惠及葉翠翠主持的節目《姊妹淘》。陳凱琳直認貪靚，並笑說：「個個女仔都貪靚，公公以前都笑我，唔好再照鏡喇，就嚟照爆塊鏡喇。」陳凱琳指平日開工反而會穿得簡單，和朋友去街才會花心思打扮。

問陳凱琳每月花費最多是否買化妝品？她說：「唔係，用最多錢係睇戲，我咩戲都睇嘅，套戲好唔好睇都好，都有得著，唔會覺得嘥時間。自己最鍾意去睇早場，有時開工前都會去睇。」陳凱琳指正拍攝的《殭》角色有點複雜，到後期更會為了愛情而變得不討好，故擔心劇集出街後會畀觀眾鬧。

該集《姊妹淘》以美腿為題材，陳煒笑謂近期因學跳舞令雙腳變成肌肉型，問煒哥老公有沒有投訴？她說：「咁又冇，佢仲話好添。」剛完成《東坡家事》拍攝的煒哥，問到是否會趁機陪老公？她說：「唔係O架，睇吓佢去邊開會，遲啲去韓國就可能會跟埋去shopping。」