馬國簽經理人發展　楊思琦低胸試水溫

女星楊思琦、Jessica C.、Ana R.、伍允龍、王子涵、組合Super Girls、導演錢國偉，以及OC MERIT娛樂公司老闆黃永峰與Danny Ong等在馬來西亞出席娛樂公司開幕活動，場面熱鬧！

身穿露肩低胸裝的思琦明艷照人，她透露將到馬國發展，在當地有新經理人，至於香港及內地事業則繼續自己管理，她說：「我想到呢邊拍戲，最想做爛面角色，嚇親人就最好！因為性感同暴露都唔會再發生自己身上。」思琦自爆出埠工作，但仍心掛掛女兒：「我媽咪話囡囡唔小心撼親枱角，眼角撞到似雞蛋咁，一陣要視像睇佢咩事，所以都唔係咁安樂！」

同場的馬來西亞女星童冰玉身穿高衩裙大晒美腿，曾拍攝香港電影《辣警霸王花》及《爆3俏嬌娃》的她希望多拍港片，擁有驕人身材的她被問到性感底線？她說：「想拍部唔性感嘅先，不過如果劇情需要，靚就得。（接受半裸嗎？）咁要keep fit先！」