天天滿月了！謝天華見囝囝即笑

上月榮升做爸爸嘅藝人謝天華依家有仔萬事足，平時外表cool爆嘅佢對住囝囝謝浩飛（Theo）就即刻笑晒口，佢喺微博上載囝囝嘅滿月相，並興奮留言:「天天滿月了！第一次跟爸爸飲茶、逛街、看風景。」見一臉慈父樣嘅天華好開心咁望住BB車入面嘅Theo，Theo亦好專心咁望住爸爸，網民大讚Theo好可愛之餘，仲祝佢快高長大添！

而尋日喜獲女兒嘅台灣型男張震亦喺微博分享佢第一次幫囡囡換尿片，佢話：「第一次開獎（換布布）⋯⋯得到黃金！！」張震好友舒淇留言話：「太幸運了。」而網民仲叫張震要將「黃金」好好收藏啊！