巴黎時裝周　蘇永康呻太太冇時間陪佢

蘇永康與太太於巴黎時間3月10日出席當地舉行的Alexander McQueen 2015秋冬騷，蘇永康表示太太身為該品牌職員來巴黎當然為工作，至於自己則為購物，他坦言：「因為歐元跌，我先嚟之嘛！（帶咗幾多空喼入貨？）我冇，因為我同好多品牌熟，我買完就畀多50歐羅叫佢哋幫我寄番香港。（有冇買咗七位數？）每季都有個數字，唔會超過七位，今次只係六位數。我都有幫媽咪入貨做孝順仔。（嚟巴黎當同太太度蜜月？）唔係度蜜月，係就弊，佢日日都做嘢，我尋日先陪陳奕迅行咗成日街，佢老婆（徐濠縈）喺巴黎都好忙。」問他造人大計時，他笑謂：「你叫佢（太太）飛少啲先，因為佢管晒成個亞洲區。」