大陸網友偷拍小糯米　楊冪嬲爆望給予更多空間

藝人劉愷威同大陸女星楊冪去年誕下囡囡小糯米，自從囡囡出世後，兩人一直都無將囡囡曝光，避免佢受到騷擾，不過近日有大陸網友拍到劉愷威帶小糯米去幼兒中心嘅相片，令小糯米嘅容貌終於曝光，指佢似足媽咪楊冪，不過相片曝光之後就對劉愷威家庭做成滋擾，22號晚上，楊冪終於喺微博貼文，期望公眾給予更多空間：「做為一個媽媽，還是盡量希望寶寶可以在安靜，不被過多打擾的環境下，健康成長，雖然我知道很難，還是希望能盡力為她守護，這是一個媽媽的小小心願，謝謝大家。」而老公劉愷威亦留言：「謝謝大家，希望大家理解。」