返港開粉絲見面會 MC Jin恨再拍無綫劇!

20150312
東網電視
更多新聞短片
MC Jin恨再拍劇,仲話「TVB效應」有種魔力,依家去到有華人嘅地方都有人認得佢。
饒舌歌手歐陽靖(MC Jin)現身電台受訪,透露今次返港一星期工作,剛好有時間就來電台與家燕姐(薛家燕)傾偈,MC Jin表示:「都係傾下我喺美國兩年做咩,除咗做個廿四孝老豆之外,喺美國都做咗隻英文碟叫《14:59》,依隻碟對我嚟講又係一件好開心嘅事,之前喺香港就專注係廣東Rap,今次出隻英文Rap叫做完一個心願。」他又講到出碟時在美國到處出騷,有時會去大學宣傳,見到多亞洲人的大學和只有外國人的大學,覺得原本音樂真的可以無國界。
囝囝大個安心拍劇
MC Jin又預告回港雖短短幾日,但會有個粉絲見面會,順便宣傳新碟:「好得意,之前我做廣東歌,啲人會話想聽英文,依家冇喺香港出現一段日子,網上又會話掛住我啲廣東歌,做人係好矛盾。」講到MC Jin離開香港前都有拍攝幾套電視劇,他直言都想再拍劇,但因為之前不捨得離開囝囝身邊三四個月:「依加囝囝大個啲就安心啲,唔會擔心佢忘記我。」他又表示「TVB效應」有種魔力,現在到有華人的地方都會有人認得。
望囝囝學廣東話
談到MC Jin的囝囝已經3歲,他即刻變身成慈父,大講教仔心得:「佢依家講嘢好叻,識講一句句子,但我想佢講多啲廣東話,我有同長輩討論過,佢哋都講最重要係同多啲佢講,我有試過同佢講廣東話,佢都係答我英文,我今次返嚟決定係去買一套十隻嘅麥兜DVD畀佢煲,希望佢接觸多啲中文,唔好日日都睇芝麻街。」他又坦言好多人會問當日決定離開香港照顧初生的囝囝會否後悔,但自己就覺得對比起失去的東西,自己所得到是無價,會一直記得與囝囝的相處。